KEBAB - ABER SCHARF

Die neue, bunte Bürgerliste „Pro Neubunt“ (Name von der Redaktion geändert) trifft sich in Bälde bekanntermaßen mit den ebenfalls erst jüngst aus der Taufe gehobenen „Grünen“ (Name von der Redaktion nicht geändert) in einer Kebab-Bude an der lokalen Hauptstraße. Unserer Redaktion liegt schon jetzt ein Tonbandprotokoll vor (bei der Hitze kein Wunder)...

Herr T. (Name von der Redaktion geändert): „Hot des sein miassn?“

Herr C. (Name von der Redaktion ebenfalls geändert): „ Host wos geng an gsundn Raki?“

Herr T. (Name vo... [lassen wir das ab jetzt!]]: „Naa! Owa essn turi nix!“

Herr C. : „Daun gemmas glei aun, aune Vorspü! Äß saads oiso auntredn, um in Biagamasta zum rupfn, oda?“

Herr T.: „Des kaunst laut song! Nix, dass mar wos geingan die Rodn hättn, owar in Biagamasta werma auf d´zechn steign – büdlich gmahnt!“

Herr C.: „Oiso richtat si eicha Woikaumpf ned geng die rode iwamocht, sondan geng die persoun vam Biagamasta ois suiches. Warum eigantli?“

Herr T.: „Der baut do hintn in sölicha ruah, und mia hom do hafuan s´Gfrast. Mit´n umwidma faun de Grundstiggln tuat a si leicht, der liabe Herr, owar ned mit uns in Zukunft.“

Herr C.: „Owa in Neubunt wird jo fü baut –„

Herr T.: „Jojo, owar ned jeda is a Biagamasta. Mir kennan jo a ned iwaräu baun, wo mar wuin. Sull a si an Wounblougg fur sei nosn hibaun und a boar Integranten...“

Herr C.: „...Immigranten manans...“

Herr T.: „Wuascht wias haaßn! Oissa: a poa fa de Vamummtn aiquatian!“

Herr C.: „Do wiad owar unsa Blauer a fraid hom mit aich!“

Herr T: „Geh, den kaunst a vagessn. Mia san as anzig richtiche fia Neubunt. A Mischkulanz aus olle Kulör, jeda hot wos zum song, jeda hot guade Ideen. Auf uns muaß Neubunt jo scho gwoat hom!“

Herr C.: „Na des glaub i! Owar ans wüll i no wissen. De rode Iwamocht is ka problem fiar aich?“

Herr T.: „Geh herma auf mit Iwamocht. Da Biagamasta ist des gfras..., i man des proublem. Homma eam im Visia, kau si da Rest von dera Iwamocht brausn geh!“

Herr C.: „Wirkli a ausgfuxte Strategie wos es do entwuafn hobts. Und wir is mit die Immigranten?“

Herr T. „Mit die Integr...“

Herr C.: „Immigranten haßn´S!“

Herr T.: „Howi eh scho gsogt, dass des wuascht ist, wie de haßn. Oissa des Gfras..., de Moluk..., i man de Bagasc...- heast, du mochst mi gauz deppat mit de Indianer. Song ma hoid, de Zuazoganan, de wos gor net do her kean, und a fias ortsbüd net vü heagem kenntat ma jo hinta da homogen aunsidln. Erschtns siachts do neamd, und zweitns kaun ma si auf da hauptstroßn tschick kafn geh, aune das mar sou an Gfras... – heast! .. Integranten...

Herr C.: „Immigranten! Hob i gsogt!“

Herr T.: „Jo eh! ... iwan weg laaft!“

Herr C.: „Und sunst?“

Herr T.: „Daunge da Nochfrog. Ois paletti, wirma sou schen sogd. A bissal an lewaweat...“

Herr C.: „Ned deine Laborwerte. Politisch man i!“

Herr T.: „Wäust mi drauf aunredst. A greane Bagasch suis jetzan a gem ba uns!“

Herr C.: „Desweng sitz i jo do mit Dir!“

Herr T: „Du a Greana. Na daun nimmi di „Bagasch“ zruck. Heama auf, a Schwoazza ba die Ei´graucht´n. Des pock i ned. Wos wuids es in Neibunt? Mir hom ka Rafinari, ka Schweaindustrie, ka Kernkroftweagg, ned amoi an gscheidn Natuapark homma. Und waunst da Tankstö du drüm mit an hächan Benzinpreis kummst, jauggn´S di iwa die Leidabruggn!“

Herr C.: „Oissa hobts es kane Bedengn, dass mir eich stimmantechnisch in d´Gwer kumman!“

Herr T.: „Das i ned loch! Host da unsa listn aungschaut? Des nenn i Kapazunda. Jeda hot wos zum song, jeda steht fia si grod, ana fescha wia da aundare...“

Herr C.: „Daunge,daunge! Mir san im Büd!“

Herr T.: „Und eascht unsa Programm!“

Herr C.: „Kauma des lesn? Gibt’s fia mi a Kopie?“

Herr T.: „Des is nix zan lesn. Mir san des Programm. A Vüfoid an Programmen quasi, wir´s kabelfernseng inglusiv premier!“

Herr C.: „Do schau i owa jetzan! Ned aune!“

Herr T.: „Wüll i a houffn! Jetzan howi dou an Hunga griagt. Geh Du Kimmltiak, bring uns zwa Kebab, owa schoafe, wauns leicht geht!“

Der scharfe Kebab schmeckt beiden vorzüglich. Noch zwei Stamperl Raki zum Abschluss und die politische Palette im verträumten Markt ist tatsächlich etwas bunter.